Хаяг байршил
Санал хүсэлт
Нийтлэг асуулт хариулт
Монгол улсын ерөнхий прокурорын газар
Холбоо барих
Прокурор танд - Дотоод үйл явдлын мэдээлэл
УЛСЫН ЕРӨНХИЙ ПРОКУРОРЫН ГАЗРЫН АЖИЛТАН Б.МӨНГӨН ОЛОН УЛСЫН ТЭМЦЭЭНД АЛТАН МЕДАЛЬ ХҮРТЖЭЭ

Жү-До бөхийн хэвтээ барилдаанд үндэслэсэн тулааны спортын нэг төрөл болох жюу жицүгийн “SEOUL INTERNATIONAL PRO”  олон улсын нээлттэй тэмцээн 2019 оны 10 дугаар сарын 20-нд БНСУ-д болсон байна. Тус тэмцээнд нийт 10 орны 320 тамирчин оролцсон бөгөөд манай улсын 21 тамирчин насанд хүрэгчид, мастрес ангилалд өрсөлдөж, нэгдсэн дүнгээр 7 алт, 3 мөнгө, 3 хүрэл медаль хүртсэн амжилтаар Монгол Улс “хоёрдугаар” байрт шалгарчээ.

Улсын Ерөнхий прокурорын газрын ажилтан, жюу жицүгийн Азийн аварга Б.Мөнгөн дээрх тэмцээний 94 кг-ийн жинд барилдаж, алтан медаль хүртсэн амжилт гаргасан байна. 

Б.Мөнгөн нь чөлөөт бөхийн спортын мастер, сумын заан цолтой бөгөөд 2018 онд жюу жицугийн олон улсын Гран при тэмцээнд 94 кг-ийн жинд Алтан медаль авч Азийн аварга болсон юм.

Тэрээр одоо 2019 оны 11 дүгээр сарын 09-нд БНСУ-д болох “SEOUL-LIGEU ROYAL олон улсын тэмцээнд оролцохоор бэлтгэлдээ гараад байгаа бөгөөд үргэлж тусалж, дэмжиж байдаг гэр бүл, ажлын хамт олондоо болон О.Болд-Эрдэнэ багштай “ГАРУДА” академийнханд талархал илэрхийлжээ.

Улсын Ерөнхий прокурорын газрын хамт олны зүгээс Б.Мөнгөнд баяр хүргэж, цаашид оролцох тэмцээнд нь амжилт хүсч байна.  

                                                                   УЛСЫН ЕРӨНХИЙ ПРОКУРОРЫН ГАЗАР

Санал асуулга
Веб статистик
2017.12.01-ний өдрөөс хойш
Өнөөдөр
341
Өчигдөр
286
7 хоногт
2163
Сүүлийн сард
8068
Сүүлийн жилд
83016
Нийт хандалт
189973