Хаяг байршил
Санал хүсэлт
Нийтлэг асуулт хариулт
Монгол улсын ерөнхий прокурорын газар
Холбоо барих
Иргэн танд - Мэдээ мэдээлэл
ТӨРИЙН БАЙГУУЛЛАГУУДАД ГЭМТ ХЭРГЭЭС УРЬДЧИЛАН СЭРГИЙЛЭХ ЧИГЛЭЛЭЭР ХАМТРАН АЖИЛЛАХ ТУХАЙ ЗӨВЛӨМЖИЙГ ХҮРГҮҮЛЭХЭЭР БОЛСОН БАЙНА

Ховд аймгийн прокурорын газраас санаачлан аймгийн Гэмт хэргээс урьдчилан сэргийлэх ажлыг зохицуулах салбар зөвлөл, Цагдаагийн газар, Гэр бүл, хүүхэд, залуучуудын хөгжлийн газартай хамтран “Тодорхой төрлийн гэмт хэргээс урьдчилан сэргийлэхэд талуудын оролцоог хангах нь” зөвлөгөөнийг 2019 оны 11 дүгээр сарын 14-ний өдөр аймгийн төвд зохион байгуулсан байна.

Зөвлөгөөнд сумдын Иргэдийн Төлөөлөгчдийн Хурлын дарга, Засаг дарга,  Жаргалант сумын төрийн байгууллагуудын дарга, эрхлэгч, багийн Засаг дарга, Цагдаагийн газрын хэсгийн байцаагч, сумдын хэсгийн төлөөлөгч, замын цагдаагийн зохицуулагч, нийгмийн ажилтнууд, Жаргалант сумын нутаг дэвсгэрт үйл ажиллагаа эрхэлдэг аж ахуй нэгж байгууллагын удирдлагууд, иргэдийн төлөөлөл зэрэг нийт 160 гаруй хүн оролцжээ.

Энэ үеэр “Насанд хүрээгүй хүмүүсээс үйлдэж байгаа гэмт хэргийн шалтгаан нөхцөл, бууруулах урьдчилан сэргийлэхэд олон нийтийг оролцоог нэмэгдүүлэх нь”, “Боловсролын салбар дахь хүүхэд хамгааллын өнөөгийн нөхцөл байдал”, “Хүүхэд хамгааллын бодлого, хамтарсан багийн үйл ажиллагааны талаар”, “Насанд хүрээгүй хүмүүсээс гэмт хэрэг үйлдэн шүүхээр шийдвэрлэгдсэн байдал, анхаарах асуудал”, “Залилах гэмт хэргийн нөхцөл байдал, урьдчилан сэргийлэх нь”, “Хүрээлэн буй орчны эсрэг гэмт хэргийн нөхцөл байдал, анхаарах асуудал”, “Хулгайлах гэмт хэргийн нөхцөл байдал, урьдчилан сэргийлэх арга зам”, “Хөдөлгөөний аюулгүй байдлыг хангах, урьдчилан сэргийлэхэд анхаарах асуудал” зэрэг 8 илтгэх мэдээллийг сонсож, хэлэлцүүлэг өрнүүлсэн байна.

 

 

 

 

 

 

 

 

 

Тус зөвлөгөөний хүрээнд гэмт хэргээс урьдчилан сэргийлэх чиглэлээр богино хэмжээний кино, шторкны уралдааныг зарлаж, шалгарсан бүтээлийг сургууль, цэцэрлэгт болон орон нутгийн телевизээр тогтмол гаргах, гэмт хэрэг үйлдэгддэг газруудын дотор болон гадна гэрэлтүүлгийг сайжруулж, шаардлага хангасан камер байршуулах чиглэлээр ажил, арга хэмжээг зохион байгуулах, гэмт хэрэгт холбогдсон, хохирсон хүүхдийн эрх ашгийг хамгаалах, сэтгэл зүйн дэмжлэг туслалцаа үзүүлэх, сурагчдад гэмт хэрэг, түүний хор уршгийн талаар эрх зүйн боловсрол олгох чиглэлийн хичээлийг сургалтын хөтөлбөрт оруулах зэрэг арга хэмжээ авахаар болж, нийт 8 байгууллагад 28 ажлын хүрээнд хамтран ажиллах тухай зөвлөмж гаргаж хүргүүлэхээр шийдвэрлэсэн байна.

                                                                        ХОВД АЙМГИЙН ПРОКУРОРЫН ГАЗАР

Санал асуулга
Веб статистик
2017.12.01-ний өдрөөс хойш
Өнөөдөр
152
Өчигдөр
142
7 хоногт
1699
Сүүлийн сард
8041
Сүүлийн жилд
81854
Нийт хандалт
196084